Sunday 8 February 2009

كويت بلا خدم- الجزء الثاني

هذا المقال عبارة عن محاولة للرد على التعليقات التي وصلتني على مقال خادمة واحدة أكثر من زيادة (انظر كويت بلا خدم!)

اضغط على الرابط التالي لقراءة المقال

لكي نحقق المساواة

.
.

17 comments:

Mohammad Al-Yousifi said...

اسكت شغالتنا بتسافر باجر و مو قادر انام من اسبوع

مادري شلون بعيش

Salah said...

مطقوق:

عورت قلبي الصراحة

:)

فريج سعود said...

ينصر دينك على هالمقال

متفق وياك الف بالامية

Salah said...

فريج سعود:

شرايك نفتح جمعية؟!

:p

Sn3a said...

لاهي سالفه حل مشاكل ولا كوارث
ولا حتى خوف من التغيير

انا بكرر رايي المره ماراح تتحمل بيت وريل وعيال ودراستهم ومرضهم واكلهم ونظافتهم وراحتهم ومواجيبهم وراحتها

جايز المره اللي تسكن بشقه ولها طفلين تقدر تتحمل مسئوليتهم والوقت ممكن يتقسم
اما بيت دورين عالاقل
و4 ولا 5 عيال
وفوقهم ابوهم
شتتحمل خصوصا ان كانت مره عامله

انا اتمنى ان احنا نقدر نتحمل مسئوليه بدون مساعده شغاله
منو ماتبي تمسك بيتها بيدها وتشرف على ادق التفاصيل
لكن انا هم اتمنى وظيفه احلامي
وهم اتمنى ارجع من الدوام القى البيت مرتب مثلا
وهم اتمنى ان الريال الكويتي يقوم من سفرته اييب اللي ناقصه بدال مايقعد عباله شهريار وينقد على اللي اكو واللي ماكو


ياخوي السالفه مو دلع ولا حتى اكسسوار للعايله الكويتيه
بس ظروفنا المعيشيه تتطلب هالشي

نور سلطان العيسى said...

أخوي صلاح ..


موضوع ممتاز الحقيقة ..

والخدم في الخليج عموماً .. ينطبق عليهم مقالك ..

المشكلة .. تكمن في المجتمع الخليجي .. فطريقة معيشتنا وكذلك مقاسات بيوتنا
تتطلب استجلاب الخدم

ولا اختلف معك .. في أن هذا الخادم/ة أنسان .. له كيان ويجب أن يكون له احترام .. حدته الحاجة للعمل كخادم في غربة بعيدة عن أهله ..

هناك أسر تعامل خدمها بكل انسانية .. وهناك أسر تقوم بغير ذلك

(كتبت رد طويل .. بس قررت اختصره )

شكرا لك هذا الموضوع

تحياتي

Anonymous said...

المشكلة مو باستعانتنا بالخدم

ما فيه شك اننا معتمدين عليهم
((بيوتنا قاعدة تكبر وكشختنا تكثر .. لاننا عندنا عمالة رخيصة مرفهة لنا عيشتنا))

المشكلة بالكيف

كيف اننا نهمشهم بعقود اللاانسانية

ولاهي عقود اساسا، شلون نعتبرها عقود بغياب قوانين مفعلة؟؟ مو عقد هذا
العقد الفعلي بمزاج اصحاب المكاتب وبمزاج صاحبة البيت
متى ما عصبت طقت، متى ما ذكرت ربها عطتها اكرامية واجازة
حظك نصيبك


برايي المشكلة تكمن بغياب التنظيم القانوني اللي يكفل لهم حقوقهم

Salah said...

Sn3a:

كل اللي قلتي على العين والراس... لكن الحل شنو؟

وبكرر سؤالي

الخدم شذنبهم؟

تحياتي

-----------

بنت سيف:

بالفعل المشكلة تعم كل دول الخليج وليس الكويت فقط.

بس ليش مسحتي الرد الطويل؟ أكيد كنا بنستفيد أكثر!

:)

---------

غير معرف:

ومع غياب التنظيم القانوني أصبح وجود الخدم بينا بهذا الشكل يعتبر عار على كل الكويتيين!

شكرا على المرور والتعليق

Sn3a said...

ياخوي في وااايد حلول واحنا البنات نتمنى تتطبق قبل الرياييل
بدايه ان الريال الكويتي شوي يتعلم عن دوره وان اهو مو ملزوم ان يروح دوام واييب خرده وبس
يعني يشارك بالبيت عالاقل بتدريس اليهال ويشيل المواعين عقب الغدا يوصلهم المطبخ يعدل الغرفه يقلل ديوانياته وقهاويه
والمره تقدر تحطلها يوم للطلعه يوم للغسيل وهلم جرا
يعني الحمل لازم يتوزع


اما الخدم مثل ماقالو الاخوان اهم يبون رزق والرزق ماراح اييهم الا بهالطريقه اهم مظلومين لانهم ماتوفرتلهم فرص بديرتهم وهم بيكونون مظلومين لين انحطو ببيت لا رحمه ولا خوف من الله فيه
وترا العقود الييديده تضمن حق راحتهم
بتقولي مو الكل يلتزم
بقولك اكيد لان نظره معظم الكويتيين للخدم انهم روبوت وهالشي غلط
لكن مانقدر نستغنى عن خدماتهم موليه

الخدامه لها حق يوم راحه وتقدر تطلب
ان تطلع بره البيت او حتى بالبيت بدون اي شغل وكراف
ولها حق فترات راحه غير النوم

انا مو قاعده اقول ان كلامك غلط بالمقالتين اللي طافو
بالعكس اهو الصح
لكن بما ان احنا مانقدر نطبقه 100%
نقدر نطبق اشيا ثانيه عالاقل تكفل حقوقهم وتشيل بعض الحمل اللي على المره

TruTh said...

والله يا اخوي صلاح
ابدا ما اظن راح ايي اليوم اللي نستغني فيه عنهم لأن احنا عايشين في بيوت و البيوت يعني مساحة كبيرة و طوابق و حوش ،و بعدين الفكرة مو منطقية ان الأم بتقدر تشتغل و تطبخ و تنظف البيت و تكوي اوتي و تغسل الحوش و السيايير و تدرس اليهال!
ترى المرة بني آدم مو آلة

و بالنسبة حق سكنهم داخل البيوت لا تنسى انهم لو سكنوا برة يعني عليهم مصاريف الاجار و الأكل و غيره يعني كل هذا راح يقضي على معاشاتهم

و بعدين اهما عندهم دول تنظم شؤونهم،اذا دولهم شافوا انهم يستحقون معاشات اعلى خل يرفعون معاشاتهم و أكيد الكل بيدفع لأن احنا صج في حاجة لهم

ترى حتى فاطمة الزهراء عليها السلام كان عندها خادمة تساعدها في البيت

مو المفروض احنا نلغي موضوع الخدم
المفروض احنا نوعي الناس بضرورة التعامل معاهم برفق و إنسانية و مراعاة حقوقهم و عدم القسوة عليهم و عدم تحميلهم أكثر مما يطيقون
و سلامتك

ZooZ "3grbgr" said...

الحين انت وولد روما بتسوون جمعية

انا اقول في حالة وحده اقبل تأسيسها

انكم تشيلون جزء من شغل البيت

وتساهمون بكل شي

مو كل شي على الحريم

والله



.


.


.


.


.


ممكن انضم للجمعية؟

لأني آنا بعد موافقة

:")

كبرياء وردة said...

اممم
احنا صار لنا سنة تقريبا بدون شغالة
ما احس اختلف بحياتنا شي لأن احنا من الاساس ما كنا معتمدين عليها ذاك الزود ويمكن عشان كلنا كبار شايلين عمرنا
بس لو امي تشتغل مثلا او كنا صغار اتوقع رح نحتاج

هذا مو موضوعنا، من حيث مبدأ المعاملة والمساواة انا وياك:)

برنسيس إيكاروس said...

ابني العزيز صلاح
بصراحة مقصرة معاك في المداخلات
لكنني أقرأ مقالاتك
و أفتخر باختيارك
لمواضيعك الهادفة دائما
متمنية لك النجاح و الاستمرار
#######
فهناك الكثير من مشاكل البيت الكويتي
مدرجة على قائمة الطرح
ومن أهمها كان مقالك عن خدم المنازل
ولا تنسى موضوع تدريس الأبناء اليومي
من قبل الأم وأحيانا الأب
والمعاناة التي تدخل البيوت
أيضا إذا دخلها
المدرس الخصوصي
وغيرها من المشاكل الأخرى الصغيرة والكبيرة المتعلقة
بتربية الأبناء
في ظل تسارع الحياة وتغير أنماطها
يوميا
#####
عساك على القوة
وأهنيك على رشاقة أسلوبك
مودتي
منى الشافعي

Salah said...

سنعة:

أكيد للرجل دور أكبر لحل هذه المشكلة، مثل ما قبل تغير دور المرأة من خلال قبوله مشاركتها المادية في أمور المنزل، لازم يقبل بأن دور الرجل تغير كذلك، وأقصد هنا دوره داخل البيت وتجاه اسرته.

شكرا على تفاعلك مع الموضوع

---------

تروث:

اذا كان هناك قانون يلزم الناس يدفعون معاش سنع، ويلتزمون بعدم التجاوز على حقوقهم الانسانية أكيد راح نحد من الظاهرة وأكيد في يوم من الأيام راح نستغني عنهم.

تحياتي

----------

زووز:

ممكن بس بشرط الرئاسة حقي وامانة الصندوق حق فريج سعود

:)

----------

كبرياء وردة:

ممتاز... استمروا بدون شغالة وخليكم جزء من الحل مو جزء من المشكلة

Salah said...

برنسيس إيكاروس:

استاذتي الفاضلة أمام كلامكم يضيع الكلام وتجف الأقلام...

سيدتي نحن من يجب عليه التواصل والتعلم من قلمكم ومن أدبكم البليغ...

كلامكم هذا أضعه وسام على صدري...

والسلام

Anonymous said...

احيي فيك الإنسان الراقي كثر الله من
أمثالك!
اعرف عوائل تعامل خدمها كأنها واحدة منها و هذا الشي يبين من نفسية لخادمةو طريقة كلامها و ملبسها
و حتى يساهمون في نمائها الثقافي..
اعرف انك تتحدث عن الأكثرية ولكن فقط اردت ان اضيف ان هذا لا يعني ان هناك اناس يتعاملون مع الخدم بكل رقي
..

Salah said...

ندى الجنة:

شكرا على المرور الكريم

بلاشك ان هناك ناس طيبين في الكويت ولو خليت خربت... والله يكثر هالنوعية من الناس

أما اللي يظلمون الخدم... ان شاء الله يتغير القانون علشان لا يجرؤون في المستقبل!

تحياتي