Wednesday, 27 August 2008

علاقتنا بالعلوم

قبل يومين كنت جالس أتناول وجبة الافطار وأشاهد تلفزيون الكويت

وفجأة واذا بي أقرأ معلومة غير صحيحة على شاشة التلفاز

طبعا الفاضي يعمل قاضي

(كنت مو فاضي بس هم حبيت أصير قاضي) المهم

اتصلت بالتفزيون (مكالمة خارجية) وأعلنت احتجاجي

وبعدها كتبت المقال التالي:

الأنسولين وليس البنسلين يا تلفزيون الكويت

44 comments:

ManalQ8 said...

اولا نبي حليب للفطور
:)

ثانيا خل نتخيل شايب يروح الدكتور يقوله ابي من هذا الدوا اليديد الي اسمه بنسلين
ويحاول يقنع الدكتور ان سامع عنه بالتلفزيون

واي تلفزيون

قناة الكويت

تعال وظح الحين للشيبة انها غلطة مطبعية
وان هذا مضاد حيوي مو علاج للسكري

:)

iNoor said...

الله أبي كورن فليكس

يحليلكم تشوفون تلفزيون الكويت
ليلحين تطلع منيرة عاشووور واهيا مربطة الخرز مادري المسباح الأزرق على أيدها؟؟



كاريكتيرات نصير بهبهاني عجييييييبة

faith said...

تم نشر موضوعك في احد المنتديات لاهميته..

شكرا لك أخي العزيز على الموضوع ..

kila ma6goog said...

فيها استجواب

فريج سعود said...

خسران مكالمة دولية علشان انسولين وبنسلين
:)

ترى عندنا دكاترة ما يفرقون بينهم

أنا وزوجتي said...

هذا لو أنت تداوم بمستشفياتنا جان شتسوي؟؟
كل يوم تكتب 5 ولا 6 مقالات
التلفزيون يغلطون فيه نظري
وأشوه تلفزيون الكويت شخبااري ي
ليس تقليلا من حجم الخطأ
بس بالمستشفى عملي !! عه مه لي
وعلى فكرة خوش مقالة
يعطيك العافية
دمتم
إحنا الأثنين
PS: we r in the process of creating seperate ID's

esTeKaNa said...

يا فضحيتنا
!!
صراحة ماقصرت دقيت تليفون
لو غيرك غير القناة وقال يولون اهم ومستوى ثقافتهم الواطي
:(

Misrdream said...

رد فعل مسئول من شخص
يحمل فى اعماقه حب لوطنه
تقبل تحياتي

بنت سيف said...

معاك حق .. شيء يقهر ..

وفيه قدر كبير من الجهل واللامسؤوليه


تحياتي

ابو لطيف said...

طال عمرك

انت من وين طلعت لهم

هم معتمدين على ان كل شي يطوف
ولا احد داري شيقولون

والله المستعان

حلم جميل بوطن أفضل said...

الحق عليك

حد يطالع تلفزيون الكويت؟

بس معالي الوزير الصامت أكيد راح يهتم بملاحظتك

صامت و وزير للإعلام ، صج ديرة البطيخ

Organic Kuwait said...

i avoid watching kuwaiti television (kuwaiti in general not only the official channel of kuwait) bas le'anna weddi adeg akallem a7ad ay a7ad every 3 minutes of watching..

Mok said...

ليش مستغرب؟:)

بـنـت بـطنـهـا said...

مرت علي هالفادحة واتذكر اني عصبت حزتها
بس كان في بالي ان تلفزيون الوطن اشوه انك صلحت لي المعلومه
ويعطيك العافية على المقال

salah said...

تصدق استغربت لطاقتك القوية و المفعمة على المواضيع المملة لمن شفتك رديت على موضوعي "missed a class" بس بعد ما شفت موضوع البنسلن تأكدت ان طاقتك و مزاجك اقوى مما توقعت, و شاكرلك على ردك التشجيعي. بالضبط اهو اللي كنت ادور عليه.

ندى الجنة said...

كان عندنا دكنور ..يعني عنده دكتورا في مجال الطب المهم لما كان يدرسنا مايكروبيولوجي طبي كان ينطق الأسماء غلط للميكروبات و الأشياء! طبعا هذا و هو ماخذ الدكتوراه من بريطانيا
..
يا ريت مرة او مرتين طول الفصل الدراسي و هو يكرر الاسم مثل ما هو مؤلفه:)

فتخيل الوضع ..هو يعلم الطلبة و الطلبة يتخرجون و يوزعون المعلومة بره
الله المستعان

Salah said...

ManalQ8:

تعودوا على الصيام أحسن
ما بقى شي على رمضان

:)

وبالنسبة للشايب

كل شي جايز

-----------

iNoor:

مادري ليش رسومات نصير تطلع مع مقالاتي

لازم يدفع لي!

شكرا على المرور

--------------

faith:

شكرا على الاهتمام

بس من باب الفضول أي منتدى؟

----------------

بوسلمى:

حرام عليك لا تفاول


-----------------

فريج سعود:

لا تقول!

الله يستر

Salah said...

Yin & Yang:

الحمد لله عجبتكم المقالة

شرفتونا

وعلى فكرة خوش اختيار للاسماء المستعارة

تحياتي

---------------

esTeKaNa:

الظاهر ان عندي عامل وراثي يخليني أدور المشاكل

عندي قصة ثانية مشابهة راح أقولها في وقت اخر ان شاء الله

تحياتي

--------------------

حلم مصري:

عزيزي اتمنى أن أكون دائما عند حسن الظن

تحياتي

Salah said...

بنت سيف:

هلا بأهل قطر

مروركم شرفنا

تحياتي

------------

ابو لطيف:

ليش الديرة مافيها فاضين غيري؟

:)

تحياتي

--------------

حلم:

اي والله اي والله

الحق علي انا

وبعدين وزير صامت مو أحسن من وزير تصريحاته تييب استجوابات!؟

-------------------

Organic Kuwait:

ضحكتيني والله

على العموم طمنتيني يعني مو بس انا

----------------

موك:

مو مستغرب... عادي

:)

------------

بنت بطنها:

لا أكيد مو الوطن لان تلفزيون الوطن ما يطلع عندنا ولله الحمد

الله يعافيج

وشكرا على المرور الكريم

------------

السمي:

أفا عليك الناس لبعضها

والحمد لله المزاج تعدل

تحياتي

Salah said...

ندى الجنة:

فشلونا دكاترة بريطانيا

الله يستر على مستقبلنا

تحياتي

Mishari said...

يعني اشوة ان مافي احد يطالع تلفزيون الكويت

وانت الله يهداك غض النظر شوي عاد

الحارث بن همّام said...

مو وقته واحد ياخذله بنسلين بالغلط

بس عاد انت هم مشها :)

Salah said...

مشاري:

نغض البصر ان شاء الله المرة القادمة

:)

--------

الحارث:

لا أكيد محد راح يصدق تلفزيون الكويت

تحياتي

الزين said...

مبارك عليك الشهر

وينعاد عليك بالعفو والعافية يارب

حمودي said...

مبارك عليكم الشهر
:)
-------------
ومتدئئش ياباشا

Salah said...

الزين:

علينا وعليج

---------

حمودي:

حاضر يا فندم

وكل عام وانت بخير

كله انسى said...

غريبه.. شطاري عليك حاط قناة الكويت ومتابعها؟ :P


مبارك عليك الشهر

وعساك من عواده :)

شـقـــــران said...

العزيز بومهدي

أولا
مبارك عليكم الشهر وعساكم من عواده

وثانيا
جيب حليب أحسن لك واسمع كلام المدام ولاتجادل
:)


نرجع للموضوع

في مقالتك اعجبتني الجملة التالية

ولكن ما دعاني للكتابة عن هذا الموضوع هو الشعور بأننا نعاني من حالة خصام مع العلوم الحديثة بكل أنواعها


بومهدي...ليست علاقة خصام..بل ثار بين قبايل
:)


بمعنى لو رأينا مايسمى بالعلوم الحديثة مرت امامنا فإن ضرب النيران هو أول عمل نقوم به
:)



ومثل ماتفضلت...شاطرين فقط في معلومات السياسة والدين...وأيضا معلومات مغلوطة وتشويهات!!؟



مع اجمل الأماني

Ra-1 said...

زين سويت :)
مبارك عليك الشهر

fernas said...

مبارك عليك الشهر و كل عام و انت بخير

فرناس

هذيان said...

مبارك الشهر وعساك تعوده

|:| DUBAI |:| said...

تستوي بأحسن العوايل

خخخخخ


بس من خلال ملاحظتي للقناة هالايام

يالسة تعيد أمجادها السابقة

: )

!!

feelingstalk said...

جميل جدا ان اجد كويتي يحاول تصحيح خطأ رآه ولم يكتفي بالتحلطم
وياسفني انا ارى كويتي اخر ما يهمه شي وا سهل شي عليه انا يقول خطا مطبعي

من اسباب تخلف تلفريون الكويت .. الشخص اللي كلمته

iNoor said...

مباااارك عليكم الشهر =)

Salah said...

كله انسى:
الصدفة
علينا وعليج
وجياج الله

----------

شـقـــــران:
علينا وعليك
ثار مرة وحدة... ياساتر
:)

-------------

Ra-1:
علينا وعليج
شكرا

-------------

فرناس:
وانت بخير وصحة وعافية

--------------

هذيان:
علينا وعليج
شكرا

-------------

|:| DUBAI |:|:

الله يسمع منج وتعيد أمجاد الماضي
شكرا

------------------

Feelingstalk:
شكرا على الاطراء الجميل
تحياتي

-----------------

iNoor:
علينا وعليج
شكرا

Najmah said...

ابيه
فشلة والله فشلة
:(
يزاك الله خير ياصلاح

Mai said...

مبارك عليك الشهر صلاح : ))


و عسى الله يتقبل أعمالكم يا رب

Salah said...

نجمة:

هذي تهون


----------

مي:

منا ومنكم صالح الأعمال

والموت يعشق فجأه مثلي..والموت مثلي لايحب الإنتظار said...

مبارك عليك الشهر وعساك تعودة بالصحة والعافية

والموت يعشق فجأه مثلي..والموت مثلي لايحب الإنتظار said...

مبارك عليك الشهر وعساك تعودة بالصحة والعافية

Salah said...

والموت يعشق فجأه مثلي..والموت مثلي لايحب الإنتظار:

علينا وعليج أختي الكريمة

وشكرا على المرور

alsaronah said...

عاد بالكويت لقيت الي يهتمون بالعلم كتب المدرسة مليانة اغلاط وكل ما حاجيناهم حطوا السبب علينا احنا شكو خووو ؟؟

Salah said...

alsaronah:

شلون يعني يحطون السبب عليكم

في اثار الكركتر على الكتاب؟

alsaronah said...

أخوي صلاح أذكر بكتب العلوم كانت مليانة أخطاء اوكي ولازم المدرسة تطلع لنا من كتب ثانية الشرح الصحيح .. وكانوا يعطوني اوراق تصحيح الاخطاء مع كل كتاب .. وغير جذي كتب الفيزيا كان شرحها كله غلط ... فقلت لها بدل ما يرقعونها ويخلونا نحفظ حل البرهان الي ماله فايدة .. ليش ماتصححون الكتب وندرس تطبيقات البراهين ؟؟ جان تقول الكتب مافيها شي وما فيها أخطاء كلش .. قلت لها اييب الكتاب اوريج ؟؟ جان يضحكون انا قلت شي غلط :( وللحين الكتب يدرسونهم اياها وعادي.. مايصير ندرس معلومات غلط .. ويقولون شفيهم بالفيزيا الكويتيين من الدراسة الي كنا ناخذها بالثانوي كلها غلط